Մահացել է երգիչ Մամուկա Օնաշվիլին
55 տարեկանում մահացել է երգիչ Մամուկա Օնաշվիլին։ aliq.ge-ի փոխանցմամբ՝ Մամուկա Օնաշվիլին գտնվում էր ԹՊԲՀ առաջին համալսարանական կլինիկայում՝ միացված արհեստական շնչառության ապարատին։
Հուլիսի 30-ին Մամուկա Օնաշվիլին Նատախտարի գյուղի մոտ վթարի էր ենթարկվել, երբ բախվել էին երկու մեքենաներ։ Վթարի հետևանքով 1 հոգի տեղում մահացել էր, 3-ը՝ ստացել տարբեր տեսակի մարմնական վնասվածքներ։
Նշեք, որ Մամուկա Օնաշվիլին իր կարիերան սկսել է 1994 թվականին։ Եղել է Վրաստանի պետական հեռուստատեսության Առաջին հեռուստաալիքի և Աջարիայի հեռուստատեսության երաժշտական-ժամանցային շոու-հաղորդումների վարողը։
Մամուկա Օնաշվիլին երկու ալբոմ է թողարկել՝ «Ես այնպես լավն եմ» և «Երազանքի գիշեր»: Նկարահանել է վեց տեսահոլովակ։ Մամուկա Օնաշվիլին արժանացել է տարբեր երաժշտական մրցանակների։
