Բողոքի ակցիաների ընթացքում ժամը 14:00-ի դրությամբ բերման է ենթարկվել 48 անձ
Մայրաքաղաքում և հանրապետության ճանապարհներին անցկացվող քաղաքացիական ակցիաների շրջանակում, ժամը 14:00-ի դրությամբ կա 48 բերման ենթարկված: Այս մասին տեղեկացրին ոստիկանության լրատվության և հասարակայնության հետ կապերի բաժնից:
Համացանցում տեղեկատվություն է տարածվել, որ ոստիկանությունը բերման է ենթարկել նաև նախկին ոստիկանապետ Վալերի Օսիպյանին: Ոստիկանությունից նշեցին, որ առանձին անձանց բերման ենթարկելու վերաբերյալ տեղեկատվություն չեն տրամադրում:
Ընդդիմությունը մայիսի 6-ին շարունակել է քաղաքացիական անհնազանդության ակցիաները Երևանի տարբեր հատվածներում: Ընդդիմադիրները Ժամը 12:00-ին Ֆրանսիայի հրապարակից 4 տարբեր ուղղություններով երթեր են սկսել: Երթերի ընթացքում տարբեր հատվածներում ցուցարարները փողոցներ են փակել:ֆ
