Թխվածքաբլիթ «Մազուրկա»՝ չամիչով և ընկույզով

Բաղադրիչներ

1. Ալյուր – 150 գ

2. Շաքարավազ – 150 գ

3. Ձու – 2 հատ

4. Չամիչ – 200 գ

5. Ընկույզ – 150 գ

6. Փխրեցուցիչ- 5 գ

7. Աղ – 1 պտղունց

Պատրաստման եղանակը

1. Չամիչի վրա տաք ջուր լցնել և թողնել 5 րոպե: Դրանից հետո ջուրը թափել և չամիչը չորացնել:

2. Ջեռոցը տաքացնել մինչև 180 աստիճան: Ընկույզը դանակով մանրացնել:

3. Թասի մեջ հարել ձվերը, ավելացնել շաքարավազը, շարունակել հարել: Զանգվածը պետք է սպիտակի և ավելանա ծավալով:

4. Ձվային զանգվածի մեջ լցնել մաղած ալյուրը և փխրեցուցիչը, աղ ավելացնել: Լավ խառնել բահիկով, մինչև միասեռ դառնալը:

5. Ավելացնել չամիչը և ընկույզը, խառնել:

6. Թխման համար նախատեսված կաղապարը պատել յուղաթղթով: Լցնել ամբողջ զանգվածը, հարթեցնել: Թխել նախապես 180 աստիճան տաքացրած ջեռոցում 20-25 րոպե: Դեռ տաք վիճակում թխվածքաբլիթներ ձևավորել: Սառեցնել, մատուցել թեյի հետ:

Պատրաստեց Անի Գաբուզյանը