Չավուշօղլուն Լավրովի և Կուլեբայի հետ քննարկել է նրանց նոր հանդիպման կազմակերպումը
Թուրքիայի ԱԳ նախարար Մեւլյութ Չավուշօղլուն հայտարարել է, որ Ռուսաստանի եւ Ուկրաինայի պաշտոնակիցներ Սերգեյ Լավրովի եւ Դմիտրի Կուլեբայի հետ մարտի 30-ին բանակցել է նրանց հանդիպումը կազմակերպելու շուրջ։
«Մենք աշխատում ենք Ռուսաստանի եւ Ուկրաինայի ԱԳ նախարարների հանդիպումը կազմակերպելու ուղղությամբ: Երեկ ես Լավրովի եւ Կուլեբայի հետ բանակցություններ եմ վարել այդ հարցի շուրջ»,-Չավուշօղլուն ասել է A Haber հեռուստաալիքին տված հարցազրույցում:
«Դատելով ըստ այն բանի, թե մենք «ոտքի վրա» ինչ խոսակցություն ենք ունեցել Ստամբուլում պատվիրակությունների բանակցությունների ընթացքում եւ դատելով ըստ կողմերի հետ մեր բանակցությունների, կարելի է ասել, որ առաջիկա երկու շաբաթներին հնարավոր է այդ հանդիպումը»,-հավելել է նախարարը:
