Նոր սոցիալական ցանց՝ տարեցների համար
AARP շահույթ չհետապնդող կազմակերպությունը ֆինանսավորել է Senior Planet Community սոցիալական ցանցի ստեղծումը: Կայքը թույլ է տալիս օգտվողներին միանալ շահագրգիռ խմբերին, ներառյալ՝ այգեգործությունը, ֆիթնեսը, սնունդը, տեխնոլոգիաները և ճանապարհորդությունը: Ըստ Ars Technica-ի լրագրողի, SPC-ն ավելի շատ նման է Reddit-ի համեստ տարբերակին:
ԱՄՆ-ում Facebook-ը տարեցների սոցիալական ցանցի համբավ ունի։ Pew Research Center-ի հարցման համաձայն՝ 50-ն անց 72 միլիոն ամերիկացիներ օգտվում են Facebook-ից, սակայն սոցցանցում ավելի շատ են 50-ից ցածր մարդիկ։ Այնուամենայնիվ, ԱՄՆ-ում շատ տարեցների համար Facebook-ը մնում է միակ սոցիալական ցանցը: Փետրվարին կայքը նշեց իր 18-ամյակը:
SPC-ն մշակվել է Older Adults Technologies Services-ի կողմից, որը AARP-ի մասնաճյուղն է: OATS-ը մասնագիտանում է տարեցների համար համակարգչային դասընթացներում և դրանք տեղափոխում է առցանց՝ համաճարակի ժամանակ: Սա նպաստեց սոցիալական ցանցի համայնքի ավելացմանը։
OATS-ի գործադիր տնօրեն Թոմ Քամբերն ասաց, որ ուրախ կլիներ, եթե SPC լսարանը հասնի 100,000 մարդու: Նա իրական հնարավորություն է տեսնում լսարանը 1 միլիոնի հասցնելու մեջ։
Ի տարբերություն Facebook-ի՝ SPC-ն առևտրային սոցիալական ցանց չէ։ Կայքում գովազդ չկա, և դրա համար անդամավճարներ չեն պահանջվում: AARP-ն տեղեկատվություն չի հրապարակում SPC-ում ներդրված միջոցների մասին, սակայն 2020 թվականին ընկերության եկամուտը կազմել է 1,7 միլիարդ դոլար։
Ծառայությունը դեռ չունի բջջային հավելված, սակայն OATS-ն ասում է, որ շուտով այն կներկայացնի: SPC-ում կարող եք միանալ և ստեղծել խմբեր, կիսվել լուսանկարներով, նշել օգտվողներին և գրել հաղորդագրություններ:
Դեռ հայտնի չէ, թե ինչպես է մոդերավորվելու սոցցանցը։ SPC-ն տրամադրում է կանոնների ցանկ, որոնք խրախուսում են օգտվողներին ճիշտ վարվել և նշել մեջբերված տեղեկատվության աղբյուրները: Հարթակում կարող ես խոսել քաղաքականությունից։ Օգտատերերը կարող են բողոքել այն հրապարակումներից, որոնք խախտում են կանոնները, մասնավորապես, խտրական են սոցիալական, էթնիկ և քաղաքական անհատների և խմբերի նկատմամբ։
Քանի որ SPC լսարանը փոքր է, մոդերատորների թիմը հետևում է բոլոր մեկնաբանություններին, հաղորդագրություններին, թարմացումներին, որոնք ավելացվում են ծառայությանը հետնամասից:
SPC-ն արդեն մեկ ամիս է՝ գտնվում է փակ բետա փորձարկման մեջ։
Սիրարփի Աղաբաբյան
