Քաղաքացիական անձանց շրջանում անհայտ կորածների, գերեվարվածների ընտանիքների անդամներին կտրամադրվի 1մլն դրամի չափով միանվագ աջակցություն

Քաղաքացիական անձանց շրջանում անհայտ կորած, ինչպես նաև գերեվարված անձանց ընտանիքների անդամներն այսուհետ հանդիսանում են՝ 2020 թ․ ռազմական գործողությունների հետևանքով քաղաքացիական անձանց շրջանում զոհերի ընտանիքներին և հաշմանդամություն ձեռք բերած քաղաքացիներին տրամադրվող սոցիալական աջակցության ծրագրի շահառու: Այս մասին տեղեկացնում է Արցախի աշխատանքի, սոցիալական և միգրացիայի հարցերի նախարարությունը:

Նրանց կտրամադրվի 1,000,000 դրամի չափով միանվագ աջակցություն։

Ծրագրի շահառուները կարող են դիմել մինչև 2021 թվականի դեկտեմբերի 1-ը՝ դիմում ներկայացնելով e-request.am միասնական հարթակի կամ ՀՀ աշխատանքի և սոցիալական հարցերի նախարարության պաշտոնական կայքէջի՝ mlsa.am-ի «Գրեք նամակ» բաժնի միջոցով:

Մանրամասն տեղեկությունների համար կարող եք զանգահարել 047 94 72 13 հեռախոսահամարով