Ո՞րն է ժամանակակից ամենափխրուն սմարթֆոնը

Ապրիլին Lenovo-ն Չինաստանում ներկայացրել է անսովոր խաղային սմարթֆոն ՝ Legion 2 Pro-ն, որը հպարտանում է բարձրակարգ Snapdragon 888 SoC-ով, ինտեգրված օդափոխիչով և լիցքավորման երկու բնիկով:

Սմարթֆոնն արդեն հասցրել է փորձությունների ենթարկվել գաջեթների հայտնի կործանիչի `JerryRigEverything- ի կողմից:

Սմարթֆոնը թեստերն այնքան էլ լավ չի անցել։ Սմարթֆոնի ապակին, ինչպես սպասվում էր, քերծվեց Mohs սանդղակով 7 կարծրություն ունեցող շեղբով, ինչը նորմալ է ժամանակակից գաջեթների համար:

Հետ քաշվող տեսախցիկի ապակին և հետևի վահանակը նման պաշտպանություն ունեն: Սարքի մետաղական շրջանակները, ինչպես սպասվում էր, հեշտությամբ քերծվում են դանակով, իսկ էկրանը սկսում է «հոսել», եթե այն կես րոպե հալեցնում եք կրակայրիչի վրա:

Թվում է, թե Lenovo-ն ստացել է տիպիկ ժամանակակից ֆլագմոն, եթե չլիներ մեկ բացթողում։ Թեստի ավարտին բլոգերը որոշեց թեքել սմարթֆոնը: Եվ այն, մի փոքր ջանք գործադրելուց հետո, հեշտությամբ բաժանվեց երեք մասի։ Ըստ բլոգերի, սա իր փորձարկած ամենափխրուն սմարթֆոնն էր։

Սիրարփի Աղաբաբյան