Պուտինը ստորագրել է նախկին նախագահին անձեռնմխելիությունը երաշխավորող օրենքը
Ռուսաստանի նախագահ Վլադիմիր Պուտինը ստորագրել է նախկին նախագահին և նրա ընտանիքին երաշխիքների ընդլայնման օրենքը: Ինչպես հաղորդում է «Ռիա-նովոստի»-ն, համապատասխան փաստաթուղթը հրապարակվել է պաշտոնական իրավական տեղեկագրի կայքում:
Համաձայն օրենքի, երկրի նախկին ղեկավարը ստանում է անձեռնմխելիություն. նրան չեն կարող ներգրավել քրեական կամ վարչական պատասխանատվության, կալանավորել, ձերբակալել, հարցաքննել, հետախուզության ենթարկել:
Նախագծի հեղինակներն են՝ պատգամավոր Պավել Կրաշեննիկովը և սենատոր Անդրեյ Կլիշասը: Այն համապատասխանում է ամռանը ընդունված Սահմանադրական փոփոխություններին:
