Էմանուել Մակրոնի առողջական վիճակը կայուն է. Ելիսեյան պալատը մանրամասներ է ներկայացրել
Կորոնավիրուսով վարակված՝ Ֆրանսիայի նախագահ Էմանուել Մակրոնի առողջական վիճակը կայուն է: Ինչպես հաղորդում է «ՌԻԱ Նովոստի»-ն, այս մասին հայտնում է Ելիսեյան պալատի մամուլի ծառայությունը:
«Նրա մոտ դեռ առկա են COVID-19-ին հատուկ ախտանշաններ՝ հոգնածություն, հազ, մարմնի ցավ, որոնք չեն խանգարում նախագահին կատարել իր պարտականությունները»,-ասվում է հաղորդագրության տեքստում: Մակրոնը պարբերաբար հետազոտվում է. արդյունքները հուսադրող են:
Ֆրանսիայի առաջնորդը կորոնավիրուսի թեստ է հանձնել որոշ ախտանշանների ի հայտ գալուց հետո: Թեստի դրական պատասխանից հետո նա ինքնամեկուսացվել է 7 օրով, սակայն շարունակում է հեռավար իրականացնել իր գործառույթները:
