Ոստիկանության բոլոր ստորաբաժանումները կսպասարկեն Նիկոլ Փաշինյանի երթը. մարդիկ են հարկավոր
168.am-ի հավաստի տեղեկություններով` այսօր Ոստիկանության տարբեր բաժինների ու բաժանմունքների պետեր իրենց աշխատակիցներին հրահանգել են վաղը` առավոտյան ժամը 9-ին, աշխատանքի ներկայանալ քաղաքացիական հագուստով, որ մասնակցեն Նիկոլ Փաշինյանի երթին։ Յուրաքանչյուր ստորաբաժանումից, ըստ մեզ հասած տեղեկությունների, աշխատավայրում ծառայություն է իրականացնելու միայն 10%-ը։
Բացի դրանից, կա տեղեկություն, որ վաղը` առավոտյան ժամը 10-ից, ոստիկանական որոշակի խմբերի էլ, արդեն համազգեստով, կենտրոնացնելու են Եռաբլուրում և մերձ տարածքներում, որտեղ հնարավոր են մարդկային կուտակումներ` Նիկոլ Փաշինյանի ճանապարհը հնարավորինս բաց պահելու համար, որպեսզի վերջինս կարողանա անարգել մտնել Եռաբլուր։
