«Սասունցի Դավթի» կայարանի նախասրահից 27-ամյա երիտասարդ է բերման ենթարկվել
Դեկտեմբերի 8-ին ոստիկանության Երևան քաղաքի վարչության Կարեն Դեմիրճյանի անվան մետրոպոլիտենի պահպանության բաժնի ծառայողները մետրոյի «Սասունցի Դավթի» կայարանի նախասրահից, թմրամիջոց պահելու և օգտագործելու կասկածանքով, բաժին բերման են ենթարկել Շարուրի փողոցի 27-ամյա մի բնակչի:
Նրա անձնական խուզարկությամբ հայտնաբերվել է դեղնականաչավուն բուսական զանգված:
Ըստ բերման ենթարկվածի` հայտնաբերվածը մարիխուանա է, պահել է իր օգտագործման համար:
Նշանակվել է դատաքիմիական փորձաքննություն:
Հանգամանքները պարզվում են:
Փաստի առթիվ նախապատրաստվում են նյութեր:
