Google-ը խոսել է Android-ի 6 կարևոր նորարարությունների մասին
Android Auto-ն՝ նոր երկրներում, ինքնաշեն էմոջիներ և ավելին:
Google-ը բացահայտել է նորամուծությունների ցանկ, որոնք մոտ ապագայում հասանելի կլինեն Android օգտագործողներին: Նրանցից ոմանք արդեն բետա կամ սահմանափակ գործարկման փուլում են, բայց կան նաև բոլորովին նոր օգտակար հատկություններ:
Android Auto-ն գործարկվում է 36 նոր երկրներում: Մոտակա ամիսներին հնարավոր կլինի օգտվել ծառայությունից:
Google Քարտեզներում Go ներդիրը թույլ է տալիս արագորեն ուղղություններ ստանալ դեպի հաճախակի այցելվող վայրեր՝ առանց հասցե մուտքագրելու անհրաժեշտության: Դա անելու համար պարզապես անհրաժեշտ է պահպանել ձեր նախընտրած վայրերը կամ երթուղիները, որպեսզի անմիջապես մուտք գործեք դրանք և պարզեք ժամանման ժամանակը: Երթուղիները կարող եք նաև պահպանել՝ օգտագործելով հասարակական տրանսպորտ, այնպես որ կարող եք մի հայացքով տեսնել` երբ է հարմար ավտոբուս գալիս:
Emoji Kitchen գործառույթը Gboard ստեղնաշարի մեջ այժմ հասանելի է բոլոր օգտվողների համար: Այն թույլ է տալիս երկու էմոջի միավորել մեկի մեջ՝ ստեղծել բոլորովին նոր արձագանքներ: Օրինակ` դեմքերը կարող են կիրառվել արքայախնձորի պատկերի վրա:
Google Books-ի ավտոմատ կրկնօրինակման գործառույթը, որը նախկինում հասանելի էր միայն ԱՄՆ-ի և Մեծ Բրիտանիայի հրատարակիչներին ընտրելու համար, հասանելի կլինի բոլորի համար հաջորդ տարվա սկզբին: Այն առաջացնում է ձայնավորում այն գրքերի համար, որոնց ամբողջական աուդիո տարբերակը հասանելի չէ:
Voice Access ծառայությունը, որը թույլ տեսողություն ունեցողներին թույլ է տալիս սմարթֆոն օգտագործել` էկրանի ձայնային կառավարմամբ, Android 11-ում արհեստական ինտելեկտի աջակցություն ստացավ ավելի ճշգրիտ աշխատանքի համար: Այժմ այն հասանելի է Android 6.0 և ավելի բարձր տարբերակների բետա տարբերակում բոլոր օգտվողների համար, և շուտով պետք է տեղի ունենա ամբողջական թողարկում:
Nearby Share գործառույթը (նման է AirDrop-ին) թույլ կտա ձեզ կիսել Google Play-ի միջոցով տեղադրված ծրագրերը՝ առանց Wi-Fi կամ շարժական ինտերնետ օգտագործելու: Այս նորամուծությունը պետք է սպասել առաջիկա շաբաթների ընթացքում:
Սիրարփի Աղաբաբյան
