44-ամյա վարորդը, գիտակցության չգալով, մահացել է

Նոյեմբերի 30-ին, ժամը 19.00-ի սահմաններում, Երևան-Սևան մայրուղու 30-րդ կմ-ին «Աուդի» մակնիշի ավտոմեքենան բախվել էր բաժանարար գոտու երկաթյա արգելապատնեշին. վարորդը մարմնական վնասվածքներով տեղափոխվել էր հիվանդանոց:

Դեկտեմբերի 1-ին հիվանդանոցից ոստիկանության Չարենցավանի բաժնում հաղորդում է ստացվել, որ հիվանդանոց տեղափոխված 44-ամյա Դավիթ Հակոբյանը, գիտակցության չգալով, ժամը 12.30-ին մահացել է:

Քննությունը շարունակվում է։