«Նապոլիի» մարզադաշտը վերանվանվելու է՝ ի պատիվ Մարադոնայի
Նեապոլի քաղաքապետ Լուիջի Դե Մագիստրիսը հայտարարել է, որ «Նապոլի» մարզադաշտը՝ «Սան Պաոլոն», վերանվանվելու է՝ ի պատիվ ակումբի նախկին ֆուտբոլիստ Դիեգո Մարադոնայի:
«Շատ հիանալի գաղափարներ կային, բայց վերջում որոշվեց, որ անունը կլինի «Դիեգո Արմանդո Մարադոնա մարզադաշտ»»,- ասել է քաղաքական գործիչը Instagram-ում:
Մարադոնան «Նապոլիում» խաղացել է 1984-1991 թվականներին: Իտալական ակումբի կազմում նա դարձավ երկրի կրկնակի չեմպիոն (1986/87, 1989/90), նվաճեց Իտալիայի գավաթը և Սուպերգավաթը, ինչպես նաև դարձավ ՈւԵՖԱ-ի գավաթի հաղթող (1988/89):
Սիրարփի Աղաբաբյան
