Լաուտարո Մարտինեսը նոր ակումբ է փնտրում
«Ինտերի» հարձակվող Լաուտարո Մարտինեսը մտադիր է հեռանալ միլանյան ակումբից, հայտնում է Marca-ն:
Աղբյուրի համաձայն՝ արգենտինացին դիմել է գործակալ Ժորժե Մենդեշին, որը համաճարակի ֆոնին պետք է ստանձնի խաղացողի համար նոր ակումբի որոնումները:
Marca-ն ընդգծում է, որ Լաուտարոն ապագայում կշարունակի աշխատել իր ներկայիս գործակալներ Բետո Յակայի ու Ռոլանդո Զարատեի հետ, բայց Մենդեշը կստանձնի «Ինտերից» հեռանալու գործողությունը: Արգենտինացին կարծում է, որ պորտուգալացի գործակալը գիտի, թե ինչպես գործարք կնքել բարդ ճգնաժամի պայմաններում:
Նշվում է, որ հարձակվողը ցանկանում է լքել «Ինտերը» ու գնալ մի թիմ, որում կարող է հույս դնել մարզական մեծ նվաճումների վրա:
Սիրարփի Աղաբաբյան
