«Եթե ռազմական դրությունը միայն Ձեր իշխանությունը պահպանելու համար չէ, ինչո՞ւ ռազմական դրության պայմաններում Սոթքում սահմանապահ կամ այլ զինված զորք չկար»
Էդմոն Մարուքյանը ֆեյսբուքյան իր էջում գրում է․ «Քանի որ Նիկոլ Փաշինյանը շուտով հանդես կգա տեսաուղերձով, մի բան էլ ես հարցնեմ.
Երեկ «Իմ քայլը» խմբակցությունը մերժեց ռազմական դրությունը հանելու վերաբերյալ մեր առաջարկը՝ դեմ քվեարկելով նախագծին։
Այսինքն, երկրում ռազմական դրություն էր, ռազմական դրություն է։
Եթե ռազմական դրությունը միայն Ձեր իշխանությունը պահպանելու համար չէ, ապա ինչո՞ւ ռազմական դրության պայմաններում Սոթքում սահմանապահ կամ այլ զինված զորք չկար»:
