«Ստացվում է, որ մեր պետության կառավարությունը իր կողմից հատկացրած գումարը ոչ միայն հետ է վերցրել, այլև դեռ մի բան էլ ավելին է ստացել»
Վահագն Վարդանյանը ֆեյսբուքյան իր էջում գրում է․ ««Հայաստան» համահայկական հիմնադրամի կողմից պատերազմի ընթացքում ստացվել է շուրջ 170 մլն ԱՄՆ դոլար գումար (կամ` մոտ 84,5 մլրդ դրամ): Եթե չեմ սխալվում, պատերազմի առաջին-երկրորդ օրը կառավարությունը ռազմական ծախսերին հատուկ ուղղեց (ավելացրեց) 50 մլրդ դրամ գումար: Եթե հիմնադրամի կողմից ստացված գումարների ավելի քան 60%-ը փոխանցվել է կառավարությանը (ավելի կոնկրետ` 52,7 մլրդ դրամ), ստացվում է, որ մեր պետության կառավարությունը իր կողմից հատկացրած գումարը ոչ միայն հետ է վերցրել, այլև դեռ մի բան էլ ավելին է ստացել: Եվ, ինչպես կասեր դասականը. «Թղթով ամեն ինչ ճիշտ է»»:
