«Ես վստահ չեմ, որ մենք մրցաշրջանը կավարտենք 11 առողջ խաղացողներով»․ Կլոպ

«Լիվերպուլի» գլխավոր մարզիչ Յուրգեն Կլոպը բողոքել է Պրեմիեր լիգայում շաբաթ օրը կայացած խաղերի վաղ մեկնարկից և քննադատել հեռարձակողներին:

Չորեքշաբթի երեկոյան «Լիվերպուլը» Չեմպիոնների լիգայում կխաղա «Ատալանտայի» հետ, իսկ Պրեմիեր լիգայի «Բրայթոնի» դեմ խաղը կսկսվի շաբաթ օրը Մեծ Բրիտանիայի ժամանակով 12:30-ին:

– Բոլորն ինձ ասում են, որ օրացույց կազմելը դժվար է, բայց իսկապես դժվար է խաղացողների համար: Մնացած ամեն ինչ պարզապես որոշումներ են, որոնք ընդունվում են աշխատասենյակի սեղանի մոտ:

Եթե ​​դուք  չեք սկսում խոսել BT Sport-ի հետ, մենք բոլորս կորած ենք: Sky-ը և BT-ն պետք է շփվեն: Եթե ​​մենք խաղում ենք չորեքշաբթի, ապա շաբաթ օրը՝ 12: 30-ին, վստահ չեմ, որ մրցաշրջանը կավարտենք 11 առողջ խաղացողներով:

– Բայց ակումբներն ամեն ինչ համաձայնեցրել են հեռարձակողների հետ:

– Եթե ինչ-որ մեկը կրկին պատմի ինձ պայմանագրերի մասին, ես իսկապես կխելագարվեմ, քանի որ պայմանագրերը կազմված չեն կորոնավիրուսային սեզոնի համար:

Դուք այստեղ կանգնած եք դիմակ հագած, մենք բոլորս հարմարվում ենք: Ամեն ինչ փոխվում է, բայց ոչ պայմանագրերը հեռարձակողների հետ: Մենք դրանք ունենք, այնպես որ, կթողնենք դրանք: Ի՞նչ։ Ամեն ինչ փոխվել է, ամբողջ աշխարհը փոխվել է:

Ես բավականին հանգիստ եմ վերաբերվում այս հարցին, բայց նրանք ինձ ասում են, որ ես խոսում եմ «Լիվերպուլի» մասին: Ոչ: Ես խոսում եմ ֆուտբոլիստների մասին: Պիկեն ծնկի ծանր վնասվածք է ստացել: Հիմա գուցե «Արսենալի» Սական, որն այդ ընդմիջման ընթացքում խաղում էր Անգլիայի բոլոր երեք խաղերում:

Մարդիկ առաջարկում են փոխել կազմը: Բայց ո՞ւմ կողմից: Մենք ունենք հարձակվողներ, որոնց կարող ենք փոխել, բայց մնացած բոլորը պարզապես երեխաներ են:

Հինգ փոխարինո՞ւմ: Ինչո՞ւ ենք ուշացնում փոխարինումները («Լեսթերի» դեմ խաղում երկու փոխարինում կատարվեց 89-րդ րոպեին), քանի որ մենք անընդհատ պետք է մտածենք, որ ինչ-որ մեկը մկանային վնասվածք կստանա:

Մենք չենք կարող ավելի շուտ փոխարինումներ կատարել, քանի որ հանդիպումը կավարտենք իննով, եթե մյուս խաղացողը մկանային վնասվածք ունենա»,- Sky-ի եթերում ասել է մարզիչը:

Նշենք նաև, որ ավելի վաղ օրացույցը և հեռարձակողները քննադատվում էին նաև «Մանչեսթեր Յունայթեդի» և «Մանչեսթեր Սիթիի» մարզիչներ  Օլե Գուննար Սուլշերի և Պեպ Գվարդիոլայի կողմից:

Սիրարփի Աղաբաբյան