100 մլն դրամ՝ Երևանից Ստեփանակերտին. ավագանու որոշումը
Այսօր Երևանի ավագանու որոշմամբ փոփոխություն կատարվեց ավագանու 2019 թվականի դեկտեմբերի 25-ի N186-Ն որոշման մեջ: Փոփոխության համաձայն՝ Երևան քաղաքի 2020 թվականի բյուջեով՝ ամանորյա միջոցառումների իրականացման նպատակով նախատեսված 100 մլն դրամ գումարը վերաբաշխվեց պահուստային ֆոնդի վարչական մաս: Նախատեսված գումարն ուղղվելու է Արցախի Հանրապետության մայրաքաղաք Ստեփանակերտում պատերազմի հետևանքով վնասված քաղաքացիական ենթակառուցվածքների և օբյեկտների վերականգնողական կապիտալ աշխատանքներ իրականացնելու համար:
