Թրամփի շտաբը պահանջել է ձայների վերահաշվարկ իրականացնել Վիսկոնսին նահանգում
ԱՄՆ նախագահ, նախագահական ընտրություններում նախագահի թեկնածու Դոնալդ Թրամփի նախընտրական շտաբը պահանջել է ձայների վերահաշվարկ իրականացնել Վիսկոնսին նահանգում:
Վիսկոնսին նահանգում նախագահական ընտրությունների ձայների հաշվարկն ավարտվել է:
FOX-ը և NBC-ն կանխատեսել են Դեմոկրատական կուսակցության առաջադրած թեկնածու Ջո Բայդենի հաղթանակը:
Ավելի վաղ Դոնալդ Թրամփը «Ֆեյսբուք»-ի իր էջում կատարած գրառմամբ կասկածի տակ էր դրել ԱՄՆ-ի նախագահական ընտրությունների քվեաթերթիկների հաշվարկը: Նա գրել էր, որ նախորդ գիշեր առաջատար է եղել գրեթե բոլոր առանցքային նահանգներում, որտեղ վերահսկում էին և կառավարում էին Դեմոկրատները, սակայն հաշվարկելու ժամանակ այդ քվեաթերթիկները սկսել են կախարդական կերպով անհետանալ:
