Թուրքիայում առաջին անգամ թռչող մեքենա են փորձարկել
Ռազմական և քաղաքացիական անօդաչու թռչող սարքերի նախագծմամբ ու արտադրությամբ զբաղվող Թուրքիայի առաջատար «Baykar» ընկերություն իր արտադրած թռչող մեքենայի առաջին փորձարկումներն է իրականացրել: Այս մասին տեղեկացնում է ermenihaber.am-ը:
«Cezeri» (Ջեզերի) կոչվող թռչող մեքենայի փորձարկումն իրականացվել է անվտանգության պարաններով, իսկ երկրորդ փորձարկման ժամանակ մեքենան կարողացել է ինքնուրույն օդ բարձրանալ մինչև 10մ:
Հաղորդվում է, որ 230կգ քաշ ունեցող այդ մեքենան կարողանում է ինքնավար թռիչք կատարել և համալրված է խելացի թռիչքի համակարգով: Մեքենայի նախագծումից մինչև արտադրությունը տևել է 1.5 տարի:
