«Նիկոլ, ինչո՞ւ ես մտել մարագը․․․ Նման վախկոտ ղեկավար Հայաստանը երբեք չի ունեցել»․ Աշոտյան

Արմեն Աշոտյանը ֆեյսբուքյան իր էջում գրում է․ «Մեկը ասում էր, թե Նիկոլը Տավուշյան մարտերն էր ղեկավարում, հա՞:

Նման վախկոտ ղեկավար Հայաստանը երբեք չի ունեցել և, հուսամ, այլևս չի ունենա: Ամուլսարի շուրջ ծավալվող ոստիկանական օպերացիան դրա վառ օրինակն է:

Նիկոլ, ինչո՞ւ ես մտել մարագը: Բա ինչո՞ւ մի հատ ժողովրդի հետ չես խոսում, չես բացատրում:

Ինչո՞ւ, եթե որոշում ունես, թաքուն ես պահում ու ուժ կիրառում մարդկանց հանդեպ:

Իսկ եթե չունես որոշում, ինչո՞ւ ես երկրում պրոցեսները բրախել ինքնահոսի, որտեղ բախումների ընթացքում պետական մարմինները ուժ են կիրառում քաղաքացիների հանդեպ:

Նիկոլ, խոսա, իրար արի, ձայն հանի:

Թե չէ հեշտ է ուրիշների աշխատանքը ու արժանիքները քեզանից էլ ավելի անբան ու անպիտան մարդկանց միջոցով սեփական անձին վերագրելու շոուները:

Ազատություն Վահագն Վարագյանին ու բոլոր բերման ենթարկվածներին»: