«Բարսելոնան» ցանկանում է գնել «Մանչեսթեր Սիթիի» պաշտպանին
«Մանչեսթեր Սիթիի» պաշտպան Էրիկ Գարսիան հետաքրքրել է «Բարսելոնային»:
Կատալոնացիները նախատեսում են 19-ամյա ֆուտբոլիստին ստորագրել հաջորդ տրանսֆերային պատուհանի ընթացքում։ Մյուս տարբերակը հունվարին նրա հետ բանակցություններ վարելն է, որպեսզի ֆուտբոլիստը հաջորդ ամառ տեղափոխվի՝ որպես ազատ գործակալ:
«Բարսելոնան» պատրաստ է խաղադրույք կատարել Գարսիայի վրա և նրան տեսնել՝ որպես իրենց առաջնահերթություններից մեկը: Արդեն կապեր կան նրա շրջապատի հետ:
«Բարսելոնան» կարծում է, որ Գարսիան պոտենցիալ ունի՝ փոխարինելու Ժերար Պիկեին, բայց «Մանչեսթեր Սիթին» մտադիր է պահել խաղացողին:
Գարսիան «Բարսելոնայի» սան է: Նա ակումբի համակարգում էր 2006-2017 թվականներին: Նրա համար «Սիթին» վճարել է մոտ երկու միլիոն եվրո:
Գարսիան այս մրցաշրջանում հանդես է եկել Պրեմիեր լիգայում առաջին անգամ և մասնակցել է 13 հանդիպումների:
Սիրարփի Աղաբաբյան
