«Ռեալի» հարձակվողը վարակվել է կորոնավիրուսով
Մադրիդի «Ռեալի» հարձակվող Մարիանո Դիասը վարակվել է կորոնավիրուսով, հայտնում է մադրիդյան ակումբի պաշտոնական կայքը:
Ֆուտբոլիստի թեստը եղել է դրական, նա ինքնամեկուսացվել է։ Ֆուտբոլիստն իրեն լավ է զգում։
Անցած շաբաթ Իսպանիայում տեղի ունեցավ կորոնավիրուսի նոր բռնկում, ինչի պատճառով որոշ շրջանների, այդ թվում՝ Մադրիդի իշխանությունները որոշեցին կրկին խստացնել սննդի հաստատությունների աշխատանքը:
Հիշեցնենք, որ «Ռեալը» Չեմպիոնների լիգայի 1/8 եզրափակչի պատասխան հանդիպումը կանցկացնի «Մանչեսթեր Սիթիի» դեմ օգոստոսի 7-ին:
Սիրարփի Աղաբաբյան
