Առաջիկա խաղին Մխիթարյանի մասնակցությունը հարցականի տակ է
Իտալական «Ռոմայի» գլխավոր մարզիչ Պաուլո Ֆոնսեկան անդրադարձել է Մխիթարյանի մասնակցությանը «Ուդինեզեի» դեմ առաջիկա խաղին:
Նախախաղային մամուլի ասուլիսի ժամանակ Ֆոնսեկան, մասնավորապես, ասել է. «Կասկածներ ունեմ, որ Մխիթարյանը կմասնակցի խաղին: Պետք է հիշենք, որ երկու օրից խաղալու ենք «Նապոլիի» հետ»:
Իտալիայի ֆուտբոլի առաջնության 29-րդ տուրում «Ռոման» սեփական հարկի տակ կհյուրընկալի «Ուդինեզեին»: Հանդիպումը կմեկնարկի Երևանի ժամանակով 23:45-ին:
