Սերիա Ա-ն կարող է շարունակվել հունիսի 13-ին կամ 20-ին
Կորոնավիրուսի պանդեմիայի պատճառով ընդհատված Իտալիայի ֆուտբոլի առաջնությունը կարող է շարունակվել հունիսի 13-ին կամ 20-ին: Այս մասին գրում է Football Italia-ն: Նման առաջարկով հանդես է եկել Իտալիայի սպորտի նախարար Վինչենցո Սպադաֆորը: Նա շեշտել է, որ իր ղեկավարած կառույցն այժմ աշխատանքներ է տանում հունիսի 13-ին կամ 20-ին առաջնությունը վերսկսելու ուղղությամբ: Ըստ նախարարի, ընթացիկ շաբաթվա մեջ վերջնականապես հայտնի կլինի Սերիա Ա-ի վերսկսման ժամկետը:
