ՌԴ-ում մայիսի 2-ից հետո առաջին անգամ 10.000-ից պակաս վարակի նոր դեպք է գրանցվել
Ռուսաստանում կորոնավիրուսով վարակվածների թիվն ավելացել է 9 հազար 974-ով՝ հասնելով 252 հազար 245-ի:
Այս մասին տեղեկացնում է ՏԱՍՍ գործակալությունը՝ հղում կատարելով կորոնավիրուսի տարածման դեմ պայքարի օպերատիվ շտաբին:
Այսպիսով, մայիսի 2-ից հետո առաջին անգամ վարակի նոր դեպքերի թիվը 10 հազարից պակաս է: Շտաբի տվյալներով, վարակի դեպքերի օրվա աճը 4.3 տոկոսից իջել է 4.1 տոկոսի:
