«Գնթունիք» խանութի մոտ ավտոմեքենա է այրվել
Մարտի 26-ին, ժամը 20:22-ին Ճգնաժամային կառավարման ազգային կենտրոն ահազանգ է ստացվել, որ Արագածոտնի մարզի Ապարան քաղաքի «Գնթունիք» խանութի մոտակայքում այրվում է ավտոմեքենա:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ հրդեհը բռնկվել է Բաղրամյան փողոցի թիվ 32/5 շենքի մոտակայքում:
Հրդեհը մեկուսացվել է ժամը 20:26-ին, մարվել՝ 20:46-ին: Այրվել է «ԳԱԶ-24» մակնիշի ավտոմեքենայի (վարորդ՝ Արարատ Ս.) անվադողը:
Փրկարարները հոսանքազրկել են ավտոմեքենան և փակել գազի բալոնի փականը:
