Աճել է խոշոր հարկատուների կողմից պետական բյուջե վճարված հարկերի ընդհանուր մեծությունը. Փաշինյան

ՀՀ վարչապետ Նիկոլ Փաշինյանը ֆեյսբուքյան իր էջում գրում է. «2019թ. հունվար-սեպտեմբեր ամիսներին 1000 խոշորագույն հարկատուների կողմից պետական բյուջե վճարված հարկերի ընդհանուր մեծությունը կազմել է շուրջ 765 մլրդ դրամ, ինչը 13.5%-ով ավելին է նախորդ տարվա համապատասխան ցուցանիշից:

2019թ. առաջին 9 ամիսներին, նախորդ երկու տարիների նույն ժամանակահատվածի համեմատությամբ, աճել է նաև 10, 50 և 100 խոշորագույն հարկատուների կողմից պետական բյուջե վճարված հարկերի ընդհանուր մեծությունը:

Այսպես, 2019-ի հունվար-սեպտեմբեր ժամանակահատվածում 10 խոշորագույն հարկատուները պետական բյուջե են վճարել մոտ 190 մլրդ դրամ հարկ, ինչը նախորդ տարվա համեմատությամբ ավելի է 21.5 մլրդ դրամով կամ 12.6%-ով: 100 խոշոր հարկատուները, 2018թ. համեմատ, վճարել են 50 մլրդ դրամով ավելի հարկ:

2019թ. հաշվետու ժամանակահատվածում 1000 խոշորագույն հարկատուների ցանկում ներառվելու համար պետք էր վճարել առնվազն 119 մլն դրամի հարկ, 2018-ին` 98 մլն դրամից մի փոքր ավելի, իսկ 2017-ին` դրա համար բավարար կլիներ ընդամենը 80 մլն դրամի չափով հարկային պարտավորության կատարումը»:

https://www.facebook.com/nikol.pashinyan/posts/2453754688278245?__xts__[0]=68.ARBvwjd_XXGqK2EZktrpsO4BwqAoW8JyvcyKUVosXsBlB4I-jYfunaKmAIJfWraAkPOJs-bWvwzFB27pk_xySvb5kqEW1zJcMJE1EMGGMheo4q5Gtyx_Q2YuDh4dvQfT4nGNvdZiPvZO6zGPoDajBDFkaEgNrWzwiNttfI6z4PY9riCRdG7Ufw-vjhtOVckxoPfUp4GRVJBV4EActM6scNsLXuVDHyCBXx55FDEocF4UvJjzoOZxRe-X2boCVeZWNswTRu_DCQa2Fvx2WfbDjnYstiJ9sRD30C3zOQNVvS1DOhPvWl5tgqKV4c4OMTMWqoiyJ_DNiZzWJh1JGohkIMPb&__tn__=-R