«Նիկոլը մոտ 95 միլիոն դրամ ծախսել է իր առանձնատան վրա, իսկ Գյումրիի անօթևանների ծրագրի վրա՝ 10 հազար դրամ». Արմեն Աշոտյան
Արմեն Աշոտյանը ֆեյսբուքյան իր էջում գրում է. «Գիտե՞ք, ինչ է նշանակում «Էժան քաղաքական գործիչները առանձնահատուկ թանկ են նստում ժողովրդի վրա»։
Բացատրեմ։
Վերջերս Գյումրիում մի բարի նախաձեռնություն էր, որը կօգնի գյումրեցի 1 կամ 2 անօթևան ընտանիքի բնակարան ունենալ. գյումրեցի նկարիչ ՀՀ մշակույթի վաստակավոր գործիչ Սուսաննա Մկրտչյանի «Իմ հոգու տուն, Գյումրի» շարքի նկարներից մեկը 15 000 կտորով փազլի էր վերածվել, և յուրաքանչյուր ցանկացող կարող էր մինչև սեպտեմբերի 21-ը 1000 դրամով գնել փազլի մեկ կտորը։ Նախագծից ակնկալվող գումարը 15 000 000 դրամ էր։
Փազլի առաջին 9 կտորը գնել էր Նիկոլ Փաշինյանը, վերջին կտորը նույնպես նրանն էր։ Ծախսելով 10 000 դրամ , մեծ շոուով, Փաշինյանն անձամբ տեղադրեց վերջին մասնիկը։
Իր առանձնատան վերանորոգման վրա, որն, իդեպ, առանց այդ էլ լավ վիճակում էր, Նիկոլը ծախսել է մոտ 95 000 000 դրամ, այսինքն Գյումրիի նախագծի ֆոնդից 6 անգամ ավել գումար, այսինքն 7-10 ընտանիքի խնդիր լուծելու համար բավարար փող։
Առանց փազլի, շոուների, մամուլի, թաքուն»:
