Անցակետում հերթեր չկան. Վրաստանում ՀՀ դեսպանը շրջայց է կատարել
Վրաստանում ՀՀ դեսպան Ռուբեն Սադոյանը շրջայց է կատարել անցակետերում: Այս մասին հայտնում են դեսպանությունից:
Նշվում է, որ նա հանդիպել է Սադախլոյի անցակետի ղեկավարի հետ։
«Հանդիպմանը քննարկվեց նախօրեին տրանսպորտային միջոցների երկար հերթին առնչվող հարցեր։
Անցակետի ղեկավարի խոսքով հերթի հիմնական պատճառը վերաարտահանվող տրանսպորտային միջոցների մեծ քանակությունն է, որը կազմել է երեկվա հերթի մեքենաների 70-80 %-ը։
Դեսպանը նշել է, որ անցակետը պարտավոր է աշխատել ողջ ծավալով և բարձր մակարդակով սպասարկել ՀՀ քաղաքացիներին։
Այս պահին սահմանին հերթեր չկան»,-ասված է հաղորդագրության մեջ։
