Բողոքի ակցիա` ԱԺ-ի դիմաց. Մասնակիցները շինարարական գլխարկներ ու ձեռնոցներ դրեցին մայթին և դրանց վրա նետեցին թղթից պատրաստված ինքնաթիռներ
«Ահազանգ» նախաձեռնությունն այսօր կրկին բողոքի ակցիա է իրականացնում Ազգային ժողովի առջև՝ ընդդեմ համահարթ հարկման: Մասնակիցները շինարարական գլխարկներ ու ձեռնոցներ դրեցին մայթին և դրանց վրա նետեցին թղթից պատրաստված ինքնաթիռներ:
Նախաձեռնության անդամ Հովհաննես Ստեփանյանը հայտարարեց, որ դրանց վրա գրված է իրենց վարկային պատմությունը: Ըստ նրա՝ Հայաստանում գրեթե բոլորն ունեն վարկեր, և եկամտի համահարթ հարկման դեպքում սոցիալական շերտերի միջև անհավասարությունն ավելի կխորանա:
