Բուդապեշտում զբոսանավերի բախումը հայտնվել է տեսանյութում
Համացանցում հայտնվել է Դանուբում զբոսակատերի վթարի տեսագրությունը: Կադրերում կարելի է տեսնել, թե ինչպես է մի նավն անցնում կամրջի տակով, դրան հետեւում է մյուս նավը, ինչից հետո դրանք բախվում են վատ տեսանելիության պայմաններում։
Ավելի վաղ հաղորդվել է, որ Բուդապեշտում կատեր է շրջվել եւ սուզվել, որտեղ եղել են 33 հարավկորեացի զբոսաշրջիկներ եւ անձնակազմի երկու անդամ: Արտակարգ պատահարի հետեւանքով զոհվել է յոթ մարդ, եւս 21-ը համարվում են անհայտ կորած:
«Ռյոնհապ» գործակալության տվյալներով՝ հարավկորեացի զբոսաշրջիկները մասնակցում էին Արեւելյան Եվրոպայի վեց երկրներում կազմակերպված շրջագայությանը, հաղորդել է ՌԻԱ Նովոստին:
