«Չի բացառվում, որ առաջիկա նախարարական հանդիպումը լինի Վաշինգտոնում կամ այլ մայրաքաղաքում»․ ԱՆնա Նաղդալյան

ԼՂ հակամարտության կարգավորման գործընթացի շրջանակում նախարարական մակարդակով հաջորդ հանդիպման կազմակերպման տեխնիկական մանրամասները դեռ հայտնի չեն։ Այս մասին այսօր լրագրողների հետ ճեպազրույցի ընթացքում ակնարկեց ՀՀ ԱԳՆ մամուլի խոսնակ Աննա Նաղդալյանը՝ անդրադառնալով ԵԱՀԿ ՄԽ հովանու ներքո կազմակերպվելիք նախարարական հաջորդ հանդիպմանը։

Աննա Նաղդալյանը տեղեկացրեց, որ համանախագահների կողմից առաջարկ է արվել կազմակերպել նախարարների հանդիպումը։ «Մենք այս առումով սպասում ենք որոշակի տեխնիկական դետալների հստակեցման։ Մասնավորապես՝ հրավիրող կողմը պետք է տրամադրի հանդիպման վայրի և ժամկետների վերաբերյալ տեղեկություններ, որպեսզի մենք կարողանանք համաձայնեցված կարգով տեղեկացնել այդ մասին։

Հաշվի առնելով նախկին հանդիպումների աշխարհագրությունը, բնականաբար, չի բացառվում, որ առաջիկա հանդիպումը լինի Վաշինգտոնում կամ այլ մայրաքաղաքում, հրավիրող կողմը պետք է տեխնիկական դետալներ տրամադրի, մենք հանդիպման մասին տեղեկություններ հրապարակելու սկզբունքը երբեք չենք խախտել ու չենք խախտի»,- ասաց Նաղդալյանը։

Տեսանյութեր

Լրահոս