Թրամփը ցանկանում է Վենեսուելան դարձնել ԱՄՆ 51-րդ նահանգը
ԱՄՆ նախագահ Դոնալդ Թրամփը հայտարարել է, որ իր վարչակազմն ուսումնասիրում է Վենեսուելան Միացյալ Նահանգների կազմում որպես 51-րդ նահանգ ներառելու գաղափարը։ Լրագրողների հետ զրույցում ամերիկյան առաջնորդը նշել է, որ այս նախաձեռնությանը վերաբերվում է «լիովին լուրջ»։
«Հենց նոր հեռախոսով զրուցեցի Դոնալդ Թրամփի հետ։ Նա ինձ ասաց, որ լրջորեն դիտարկում է Վենեսուելան 51-րդ նահանգ դարձնելու հնարավորությունը»,- X սոցիալական ցանցում գրել է թղթակից Ջոն Ռոբերտսը։
Կարակասում այս հայտարարությունը բացասական արձագանք է առաջացրել։ Վենեսուելայի նախագահի պաշտոնակատար Դելսի Ռոդրիգեսը, ելույթ ունենալով Հաագայի ՄԱԿ-ի Միջազգային դատարանի լսումների ժամանակ, ընդգծել է, որ երկիրը գաղութ չէ և վճռականորեն պաշտպանելու է իր ինքնիշխանությունը։
«Մենք կշարունակենք պաշտպանել մեր ամբողջականությունը, մեր ինքնիշխանությունը, մեր անկախությունը, մեր պատմությունը։ Վենեսուելան գաղութ չէ, այլ ազատ երկիր»,- հայտարարել է նա։
Այնուամենայնիվ, փորձագետները հիշեցնում են, որ նախկինում Թրամփն արդեն հայտարարել էր Կանադան, իսկ ավելի ուշ՝ Գրենլանդիան 51-րդ նահանգ դարձնելու մտադրության մասին, սակայն այդ խոսքերին չէր հաջորդել ոչինչ, բացի բորսաներում կարճատև արձագանքից։
