Իրանի նախագահ. թշնամու գլխավոր նպատակներից մեկը տնտեսության խաթարումն է
Երկրի հակառակորդները ձգտում են ուժեղացնել ճնշումը իրանական տնտեսության վրա և հանրային դժգոհություն առաջացնել։ Այս մասին հայտարարել է Իրանի նախագահ Մասուդ Փեզեշքիանը:
Նրա խոսքով՝ իշխանությունները պետք է վարեն այնպիսի քաղաքականություն, որն ուղղված կլինի թե՛ արտադրողների, և թե՛ սպառողների պաշտպանությանը։ Ինչպես հայտնում է իրանական պետական IRNA գործակալությունը, Փեզեշքիանը Թեհրանում մասնակցել է տնտեսական խորհրդակցության՝ ոլորտային նախարարների և գործարար միավորումների ներկայացուցիչների մասնակցությամբ։
Հանդիպման ընթացքում քննարկվել են շուկաներում տիրող իրավիճակը, գների տատանումները, գնաճի դեմ պայքարը, պատերազմական պայմաններում առաջին անհրաժեշտության ապրանքների մատակարարումների ապահովումը, ինչպես նաև արտադրական հատվածի դրությունը։
