Արենի գյուղում ավտոմեքենան դուրս է եկել երթևեկելի մասից և գլորվել ձորակը
Մայիսի 18-ին, ժամը 17:18-ին «911» ծառայությանն ահազանգ է ստացվել, որ Վայոց ձորի մարզի Արենի գյուղում՝ «Տակառ»-ի մոտակայքում, տեղի է ունեցել ՃՏՊ. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ Երևան-Մեղրի ավտոճանապարհի 108-րդ կմ-ին «Mercedes C180» մակնիշի ավտոմեքենան (վարորդ՝ Հ.Ե., ծնված 1994 թ.) դուրս է եկել ճանապարհի երթևեկելի հատվածից, բախվել առևտրի տաղավարին և գլորվել (մոտ 15 մ) ձորակը. տուժածներ չկան:
Փրկարարները հոսանքազրկել են ավտոմեքենան և փակել գազի բալոնի փականը: Ավտոմեքենան ձորակից դուրս բերելու համար անհրաժեշտ է հատուկ տեխնիկա:
