ՊՍԺ-ն չի գնի Գրիզմանին
«Ատլետիկոյի» հարձակվող Անտուան Գրիզմանը չի տեղափոխվի ՊՍԺ:
Ինչպես հաղորդում է RMC Sport-ը՝ հղելով ակումբի աղբյուրներին, փարիզեցիները չեն հանդիպել հարձակվողի ներկայացուցիչների հետ:
Մայրաքաղաքային ակումբում գիտեն Լա Լիգայում մնալու և «Բարսելոնա» տեղափոխվելու ֆուտբոլիստի ցանկության մասին, այդ պատճառով ՊՍԺ-ի համար ամառային տրանսֆերային պատուհանի ընթացքում առաջնային է լինելու պաշտպանության և դաշտի միջին օղակի ֆուտբոլիստների ձեռքբերումը:
Ավելի վաղ «Ատլետիկոն» հայտարարել էր ընթացիկ մրցաշրջանի ավարտից հետո Գրիզմանի հեռանալու մասին: Ինքը՝ ֆրանսիացին, հայտարարել է, որ ցանկանում է նոր մարտահրավեր ստանալ:
Պատրաստեց Անի Գաբուզյանը
