«Մենք մեր հեղափոխության համար շուրջ 200 հազար դոլար ենք ծախսել». Փաշինյանը՝ ՌԲԿ-ին տված հարցազրույցում
«Մենք մեր հեղափոխության համար շուրջ 200 հազար դոլար ենք ծախսել: Մեր հեղափոխությունը պրագմատիզմի նկատմամբ ռոմանտիզմի հաղթանակն է»,- ՌԲԿ-ի տնօրեն Իլյա Դորոնովի հետ զրույցի ընթացքում հայտարարել է ՀՀ վարչապետ Նիկոլ Փաշինյանը: Հարցազրույցի անոնսը Ի. Դորոնովը հրապարակել է ֆեյսբուքյան իր էջում, այն ամբողջությամբ կհրապարակվի օրեր անց:
Կարճ տեսանյութից պարզ է դառնում, որ ՀՀ վարչապետը և Իլյա Դորոնովը զբոսնել են Երևանում և զրուցել են հեղափոխությունից հետո երկրում տեղի ունեցած փոփոխություններից:
