«Մանչեսթեր Յունայթեդը» և «Բավարիան» հետաքրքրվում են Դիբալայի տրանսֆերով
«Յուվենթուսի» հարձակվող Պաուլո Դիբալան կարող է ամռանը փոխել ակումբը:
Թուրինցիները դեռևս չեն ստացել պաշտոնական առաջարկ 25-ամյա արգենտինացու վերաբերյալ, սակայն «Մանչեսթեր Յունայթեդը» և «Բավարիան» տեղեկություն են հարցրել Դիբալայի մասին:
Ավելի վաղ հաղորդվում էր, որ «Յուվենթուսը» պատրաստ է դիտարկել Դիբալայի տեղափոխության վերաբերյալ առաջարկները:
Ըստ Calciomercato-ի տեղեկության, Իտալիայի չեմպիոնը բաց կթողնի ֆուտբոլիստին միայն այն ժամանակ, եթե ստանա նրա համար ավելի քան 100 մլն եվրո:
Սերիա Ա-ի ընթացիկ մրցաշրջանի 27 խաղերում Դիբալան խփել է 5 գոլ և կատարել է 6 փոխանցում:
Պատրաստեց Անի Գաբուզյանը
