Կատարը 480 մլն դոլար կտրամադրի պաղեստինյան տարածքների բնակիչներին օգնելու համար. Reuters
Կատարի իշխանությունները որոշում են ընդունել որպես օգնություն 480 միլիոն դոլար տրամադրել պաղեստինյան տարածքների բնակիչներին: Մայիսի 7-ին այս մասին հայտնել է Reuters գործակալությունը՝ վկայակոչելով Կատարի արտաքին գործերի նախարարությունը:
Ինչպես նշվում է, շուրջ 300 միլիոն դոլար է տրամադրվում Պաղեստինի ազգային վարչակազմին դրամաշնորհների եւ փոխառությունների տեսքով՝ առողջապահության եւ կրթական հատվածի զարգացման համար:
Եվս 180 միլիոն դոլար կուղղորդվի տարածաշրջանում գործող հումանիտար ծրագրերի աջակցմանը, ինչպես նաեւ պաղեստինյան տարածքների բոլոր բնակիչներին էլեկտրաէներգիայից մշտապես օգտվելու հնարավորություն ընձեռելու աշխատանքների կատարման համար, հաղորդել է ՏԱՍՍ-ը:
