«Լավ է՝ նասկիներս չեն տեսնում». ինչ կոստյում է կրում Դավիթ Սանասարյանը
Այսօր Պետական վերահսկողական ծառայության նախկին պետ Դավիթ Սանասարյանի ասուլիսի ընթացքում լրագրողներից մեկը ցույց տվեց մի լուսանկար և հարցրեց, թե լուսանկարում ինչ կոստյում է կրում Սանասարյանը և ինչ արժե այն։
Դ. Սանասարյանը, սակայն, հրաժարվեց պատասխանեց հարցին: «Դուք ասեք՝ ինչ արժե»,- ասաց նա՝ դինելով լրագրողին: Այնուհետև նա նշեց, որ հարցն առնչություն չունի իր նկատմամբ հարուցված քրեական գործի և հրավիրված ասուլիսի թեմայի հետ։
Սակայն լրագրողը հակադարձեց՝ նշելով, որ պատասխանը կարող է կապ ունենալ գործի հետ:
Դավիթ Սանասարյանի և նրա փաստաբանի հրաժարումներից հետո լրագրողը նշեց, որ փորձագետների կարծիքով՝ կոստյումը, որը կրում է Դավիթ Սանասարյանը Stefano Ricci բրենդի է և արժե 3 մլն դրամ։
«Լավ է՝ նասկիներս չեն տեսնում»,- հեգնեց Դավիթ Սանասարյանը։
Իսկ այն հարցին, թե արդյո՞ք կեղծ է լուսանկարում առկա կոստյումը՝ Սանասարյանը պատասխանեց. «Ես կեղծ բաներ չեմ կրում»։
