Դավիթ Սանասարյանի գործը կշարունակի քննել ԱԱԾ-ն. «Փաստինֆո»
Պետական վերահսկողական ծառայության պետ Դավիթ Սանասարյանի վերաբերյալ քրեական գործը կշարունակի քննել Ազգային Անվտանգության ծառայությունը: Այս մասին «Փաստինֆո»-ն տեղեկացավ Դատախազության հանրային կապերի բաժնի պետ Արևիկ Խաչատրյանից. «Քրեական գործով քննչական ենթակայություն փոխելու հիմքեր առկա չեն, նախաքննությունը կիրականացվի Ազգային անվտանգության ծառայության քննչական դեպարտամենտի կողմից», – ասաց Խաչատրյանը:
Նրա խոսքով` նկատի ունենալով, որ նախաքննության մարմինը բավարարել է առանձին անձանց հարցաքննելու վերաբերյալ պաշտպանների միջնորդությունը, միևնույն ժամանակ դատախազական պատշաճ հսկողությամբ կապահովվի բազմակողմանի, լրիվ և օբյեկտիվ նախաքննությամբ ի պաշտպանություն մեղադրյալին բերված բոլոր փաստարկների պատշաճ ստուգումը:
