«Փաշինյանն իր խոստումը չի կատարել». քաղաքացիները փակել են արագաչափերի տեսախցիկները

Մի խումբ քաղաքացիներ այսօր, ժամեր առաջ վարչապետ Նիկոլ Փաշինյանին հիշեցրել են մինչ հեղափոխությունը տված նրա խոստումներից մեկի մասին, այն է՝ արագաչափեր այլևս չեն լինելու, պետք է բոլոր արագաչափերը փակվեն:

«Հիշեցում» ակցիայի շրջանակում նրանք փակում էին արագաչափերը, ինչպես հեղափոխության օրերին անձամբ անում էր Նիկոլ Փաշինյանը:

«Ժողովուրդը հավատաց Նիկոլ Փաշինյանի բոլոր խոստումներին. կարմիր գծեր, աշխատավարձերի, թոշակների բարձրացում, աշխատատեղեր, ներդրումներ, տնտեսական թռիչքաձև աճ, քաղբանտարկյալներ չպետք է լինեն»,- ասել է բողոքի ակցիայի մասնակիցներից Իրինա Հարությունյանը և նշել, որ այդ խոստումներից ոչ մեկը չի իրականացվել:

Մեկ այլ քաղաքացի էլ նշել է, որ շաբաթական 1 միլիոն դոլար գոյանում է արագաչափերից, սակայն չգիտեն՝ որտե՞ղ են ծախսվում այդ գումարները:

«Տարեկան արագաչափերից և կարմիր գծերից գոյանում է 110 միլիոն դոլար գումար, և իրենք պահանջում են, որ այդ գումարները ծախսվեն նպատակային»,- նշել է ակցիայի մասնակից քաղաքացիներից մեկը:

Տեսանյութերը՝ Իրինա Հարությունյանի ֆեյսբուքյան էջից։

https://www.facebook.com/100005140516333/videos/1213386898842649/

https://www.facebook.com/100005140516333/videos/1213393312175341/

https://www.facebook.com/100005140516333/videos/1213408622173810/