«Մանչեսթեր Յունայթեդ»-«Մանչեսթեր Սիթի». մանկունյան դերբիին ընդառաջ
Ապրիլի 24-ին Անգլիայի Պրեմիեր Լիգայի ավարտական հատվածի կենտրոնական հանդիպումներից մեկում «Մանչեսթեր Յունայթեդը» կընդունի «Մանչեսթեր Սիթիին»: Օլե-Գունար Սուլշերի սաները պայքարում են՝ լավագույն քառյակում տեղ գրավելու, իսկ Գվարդիոլայի սաները՝ չեմպիոն դառնալու համար:
«Մանչեսթեր Յունայթեդ»
Օլե-Գունար Սուլշերի հետ «Մանչեսթեր Յունայթեդը» սկսեց հրաշալի խաղալ, բայց հետո հանկարծակի կանգ առավ:. Չեմպիոնների լիգայից դուրս մնալուց հետո «կարմիր սատանաները» պետք է կենտրոնանային ներքին գործերի վրա, սակայն վերջին տուրի հանդիպումը ցույց տվեց, որ թիմի խաղում խնդիրները չեն վերացել: Մանչեսթերյան ակումբն անսպասելիորեն պարտվեց «Էվերթոնին»՝ 0:4 հաշվով:
Այս պարտությունը Սուլշերի սաներին թողեց 6-րդ հորիզոնականում, սակայն մանչեսթերցիները դեռևս լավագույն քառյակում հայտնվելու հնարավորություն ունեն: Երրորդ հորիզոնականը զբաղեցնող «Տոտենհեմից» Սուլշերի թիմը հետ է մնում 3 հորիզոնականով, չորրորդ հորիզոնականը զբաղեցնող «Չելսիից»՝ ևս, սակայն լոնդոնցիներն անցկացրել են մեկ խաղ ավելի:
Տնային վերջին խաղերում «կարմիր սատանաները» պարտվեցին միայն «Բարսելոնային» (0:1), իսկ առաջնությունում նրանց հաղթական շարքն արդեն հասել է 14 խաղի: Միայն «Տոտենհեմին» են նրանք պարտվել տանը (0:3)՝ առաջնության սկզբում:
Սուլշերն այս խաղից հետո կրկին ունի խնդիրներ պաշտպանությունում: Վնասվածքներ ունեն Ֆիլ Ջոնսը, Էրիկ Բային և Լուիս Անտոնիո Վալենսիան: Վնասվածք ունի նաև կիսապաշտպան Անդեր Էրերան:
«Մանչեսթեր Սիթի»
«Մանչեսթեր Սիթի» համար ևս խաղը մեծ նշանակություն ունի: Եթե նայենք մրցաշրջանի մնացած խաղերին, կարող ենք ասել, որ «կարմիր սատանաները» միակ մրցակիցն են առաջիկայում, որ կարող են զրկել «քաղաքայիններին» չեմպիոնի տիտղոսից: Այս խաղից բացի, Խոսեպ Գվարդիոլայի սաները հանդիպումներ ունեն «Լեսթերի», «Բերնլիի» և «Բրայթոնի» հետ:
Այս պահի դրությամբ Գվարդիոլայի թիմը երկու միավոր է հետ մնում «Լիվերպուլից», բայց եթե նրանք հաղթեն, ապա կրկին կշրջանցեն մրցակցին:
«Մանչեսթեր Սիթին» հիմա լավ շրջանում է՝ չնայած, որ շատ ծանր պայքարից հետո դուրս մնաց Չեմպիոնների լիգայի քառորդ եզրափակչից: Պրեմիեր լիգայում մանչեսթերյան թիմը հաղթել է 10 խաղ անընդմեջ, այդ թվում՝ 4 խաղ մրցակցի հարկի տակ:
«Մանչեսթեր Սիթում» լուրջ կորուստներ չկան: Վնասվածք ունեցող Կևին դե Բրյունեն և Կլաուդիո Բրավոն դեռևս չեն ապաքինվել:
Վիճակագրություն
- «Մանչեսթեր Յունայթեդը» Պրեմիեր լիգայի տնային հանդիպումներում չի պարտվել 14 խաղ անընդմեջ
- «Մանչեսթեր Սիթին» հաղթել է Պրեմիեր լիգայի վերջին 7 արտագնա խաղերից 6-ում
- Առաջին շրջանում «Մանչեսթեր Սիթին» 3:1 հաշվով հաղթել է «Մանչեսթեր Յունայթեդին»
Վերջին տարիներին այս թիմերի մեջ հանդիպումները շատ լարված և գոլառատ են ստացվում: Հաշվի առնելով այս խաղի կարևորությունը երկու թիմերի համար՝ կարելի է ենթադրել, որ այսօր թիմերը ցուցադրելու են զգուշավոր ֆուտբոլ: Ամեն դեպքում, շատ գոլեր սպասել պետք է:
Հիշեցնենք, որ խաղը կկայանա այսօր՝ Երևանի ժամանակով 23:00-ին:
Սիրարփի Աղաբաբյան
