Հայաստանում տրանսգենդերի հարցը շահարկելու հետևանքով ԵԽԽՎ-ում բանաձևի նախագիծ է դրվել շրջանառության մեջ
Հայաստանում տրանսգենդերի հարցը շահարկելու հետևանքով ԵԽԽՎ-ում բանաձևի նախագիծ է դրվել շրջանառության մեջ, որտեղ խոսվում է Հարավային Կովկասում սեռական փոքրամասնությունների և տրասնգենդեր անձանց իրավունքների ոտնահարումների մասին և այդտեղ դոմինանտ հատված կա ՀՀ-ին վերաբերող:
Այս մասին այսօր ԱԺ-ում լրագրողների հետ զրույցում հայտարարեց «Լուսավոր Հայաստան» խմբակցության ղեկավար Էդմոն Մարուքյանը:
«Հայաստանը հիմա դրա հետ կապված խնդիրներ է ունենալու»,- ասաց նա՝ հավելելով, որ եթե նախագիծն ընդունվի, Հայաստանը դատապարտվող երկրներից է լինելու:
Ավելին՝ նույն նախագծում կա նաև Ադրբեջանը, որի հետ Հայաստանը նույն հարթության վրա է դրվում:
