«Ցանկանում եմ, որ ֆուտբոլն ընդունի գեյ խաղացողներին և աջակցի նրանց». Մարտինես
Բելգիայի հավաքականի գլխավոր մարզիչ Ռոբերտո Մարտինեսը կարծում է, որ ֆուտբոլային համայնքը պատրաստ է ընդունել ոչ ավանդական սեռական կողմնորոշում ունեցող խաղացողներին:
«Ֆուտբոլային թիմում հանդերձարանն ընտանիք է: Հանդերձարանի ներսում դու պաշտպանված ես, քեզ հասկանում են և սիրում են: Չեմ կարծում, որ գեյ խաղացողի ներկայությունը հանդերձարանում կարող է անհանգստության պատճառ դառնալ:
Միակ մտահոգությունն այն է, թե արդյո՞ք նման խաղացողը կարող է աշխատանք գտնել: Սա միակ հարցն է, որը կարող է առաջանալ ֆուտբոլիստի մտքում, եթե նա որոշի բացահայտվել: Քանի որ այդ դեպքում նա պետք է ներկայացնի իր նման մարդկանց ամբողջ հասարակության աչքերի առաջ:
Ինձ համար ոչ մի տարբերություն չկա՝ ֆուտբոլիստը գե՞յ է, թե՞ ոչ: Ես կցանկանայի հավատալ, որ ֆուտբոլային համայնքը հասել է այնպիսի մակարդակի, որ կարող է թույլ տալ խաղացողներին լինել ազատ, անկեղծ և կաջակցի նրանց»,- Մարտինեսի խոսքերն է մեջբերում Eurosport-ը:
Պատրաստեց Անի Գաբուզյանը
