«Բարսելոնան» կապ է հաստատել Մատայի հետ
Ինչպես հաղորդում է The Sun-ը, «Բարսելոնան» կապ է հաստատել «Մանչեսթեր Յունայթեդի» կիսապաշտպան Խուան Մատայի շրջապատի հետ:
Ըստ աղբյուրի տվյալների՝ կատալոնական ակումբը կապվել է ֆուտբոլիստի հայր և գործակալ Խուան Մատա ավագի հետ: «Կապտանռնագույնները» ցանկանում են ազատ գործակալի կարգավիճակով առաջիկա ամռանը ձեռք բերել ֆուտբոլիստին:
«Քամփ Նոուում» 30-ամյա կիսապաշտպանի ստորագրումը համարում են հրաշալի տարբերակ: Իսպանացուն կառաջարկվի թիմի հիմնական կազմի կիսապաշտպանների փոխարինողի դերը: Իսկ եթե նրա հետ համագործակցությունը չհաջողվի, ակումբը կկարողանա վաճառել նրան մեկ տարի անց:
Ընթացիկ մրցաշրջանում Մատան «Մանչեսթեր Յունայթեդի» կազմում անցկացրել է 29 հանդիպում, դարձել է 5 գոլի և 3 արդյունավետ փոխանցման հեղինակ: Ակումբի հետ ֆուտբոլիստի պայմանագրի ժամկետը լրանում է ընթացիկ տարվա ամռանը:
Պատրաստեց Անի Գաբուզյանը
