Վթարի հետևանքով զոհվել են Her’s բրիտանական ռոք-խմբի մասնակիցները
Her’s լիվերպուլյան դուետի մասնակիցներ Սթիվեն Ֆիթցպատրիկը եւ Օդան Լեդինգը, ինչպես նաեւ խմբի տուր-մենեջեր Թրեւոր Էնգելբրեքթսոնը զոհվել են Կալիֆոռնիայի մերձակայքում տեղի ունեցած ճանապարհատրանսպորտային պատահարի հետեւանքով: Այդ մասին հայտնել է Heist or Hit ձայնագրման լեյբլը:
Երաժիշտները համերգային շրջագայության մեջ էին ԱՄՆ-ում: Վթարի մանրամասները չեն հաղորդվում: 2018 թվականին խումբը թողարկել էր Invitation to Her’s դեբյուտային ալբոմը: Բրիտանական ԶԼՄ-ները Her’s-ն ընդգրկել էին եվրոպական ամենախոստումնալի խմբերի ցուցակում, հաղորդել է ՌԻԱ Նովոստին:
