«Յուվենթուսը» դիտարկում է Զինեդին Զիդանի և Յուրգեն Կլոպի թեկնածությունները
«Ծեր Սենյորան» շուտով կարող է փոխել գլխավոր մարզչին: «Յուվենթուսը» դիտարկում է նոր գլխավոր մարզչի պաշտոնի թեկնածություններ այն դեպքում, եթե Մասիմիլիանո Ալեգրին հեռանա ակումբից:
Ինչպես հաղորդում է Tuttosport պարբերականը, թուրինյան ակումբի ղեկավարության համար այդ պաշտոնի առավել ընդունելի տարբերակ է Զինեդին Զիդանը: Ֆրանսիացի մարզչի հետ բանակցություններում անհաջողության դեպքում «բիանկոներները» պատրաստ են դիմել Յուրգեն Կլոպին կամ Դիդիե Դեշամին:
Ալեգրիի գործող պայմանագիրն ակումբի հետ նախատեսված է մինչև 2020 թվականը:
Տվյալ պահին «Յուվեն» Իտալիայի առաջնության մրցաշարային աղյուսակի առաջատարն է և առաջ է անցել երկրորդ տեղում ընթացող «Նապոլիից» 14 միավորով:
Պատրաստեց Անի Գաբուզյանը
